RESUMO EN VÍDEOS FESTA DO QUEIXO 2011

Vídeo resumo da 36ª edición

Vídeos resumo concertos Festival do Queixo

Tote King
o sábado 12 de marzo, no escenario do Campo da Feira

Delinqüentes e Tomasito
o sábado 12 de marzo, no escenario do Campo da Feira

 

Riobó
o domingo 13 de marzo, no escenario da Praza de Galiza

Susana Seivane

o domingo 13 de marzo, no escenario da Praza de Galiza

3º Concurso de maquetas Queixo Maquetón

Zapatotipobota -Euskadi-, GRUPO GAÑADOR
o sábado 13 de marzo, no escenario da Praza de Galiza

Munich -Vigo- GRUPO FINALISTA

o sábado 13 de marzo, no escenario da Praza de Galiza

Le Cûl -Chantada- GRUPO FINALISTA

o sábado 13 de marzo, no escenario da Praza de Galiza

MÁIS DE 30.000 PERSOAS PARTICIPAN DA FESTA DO QUEIXO 2011

Os concertos do Festival do Queixo con Tote King, Delinqüentes e Tomasito, e a agardada sesión DJ de Chema Rey completaron aforo. 

  

Delinqüentes e Tomasito no Festival do Queixo 2011

Durante a fin de semana de celebración da 36ª Festa do Queixo milleiros de persoas visitaron Arzúa, o éxito de público reflectiuse especialmente na alta participación das actividades programadas e na asistencia aos concertos do Festival do Queixo.

Delinqüentes e Tomasito no Festival do Queixo 2011

Na xornada do sábado os concertos foron o prato forte da programación. As actuacións de Zapatopitobota, grupo gañador do Queixo Maquetón 2011 Tote King, Delinqüentes+Tomasito e Chema Rey completaron aforo nos escenarios do Campo da Feira e da Praza de Galiza.

Tote King no Festival do Queixo 2011

 

Chema Rey, o archicoñecido DJ e locutor de Radio 3, estivo en Arzúa ofrecéndonos  a súa agardada sesión DJ desde o escenario da Praza de Galiza, xa ben entrada a noite do sábado 12.

Sesión DJ de Chema Rey no Festival do Queixo 2011

O domingo 13 as actuacións de Riobó, Susana Seivane, así como as exposicións e o resto de obradoiros programados superaron tamén todas as expectativas de público, incluso coa choiva que nos acompañou en moitos momentos!!! Grazas a tod@s!!!

Susana Seivane no Festival do Queixo 2011

RESUMO EN IMAXES: ZAPATOTIPOBOTA (EUSKADI) GAÑA O 3º CONCURSO QUEIXO MAQUETÓN

O grupo vasco Zapatotipobota foi o gañador do concurso de maquetas Queixo Maquetón 2011, o 2º posto foi para os vigueses Munich e o 3º para Le Cul (Chantada). 

Zapatotipobota (Euskadi), gañador do 3º Queixo Maquetón

A final tivo lugar na tarde do sábado 12 coas actuacións das tres bandas finalistas Munich, Le Cûl e Zapatotipobota, de Vigo, Chantada e Euskadi, respectivamente.  Os Zapototipobota subiron de novo ao escenario ás 00.30h como gañadores da 3ª edición para ofrecer o seu mellor directo nun dos concertos máis agardados.

O concurso contou cun xurado de luxo composto por Roberto Nicieza (Pop Up Música), Chema Rey (Radio 3), Salvador García (Radio Vigo - Maketón Estrella Galicia), Josiño Carballo (Ernie Producciones) e José Ramón Bernárdez (Queixo Maquetón); non o tiveron doado debido a alta calidade dos traballos presentados.

 Munich (Vigo), 2º clasificado

Este ano bateuse un novo récord cun total de 54 maquetas recibidas nas que están representadas a maioría das comunidades autónomas. O Queixo Maquetón medra cada ano, en tan só tres edicións logrou situarse como un dos concursos de máis prestixio do panorama estatal.

 Le Cûl (Chantada), 3º clasificado

O Myspace do Concurso Queixo Maquetón recibiu máis de 2.500 visitas durante os tres meses que estivo aberta a convocatoria, un aumento significativo de participación que anima a seguir apostando polas novas bandas e os novos talentos, ofrecéndolles a oportunidade de amosar en Arzúa a súa música.

PRESENTACIÓN OFICIAL DA PROGRAMACIÓN DA 36ª FESTA DO QUEIXO

Onte xoves 3 de marzo tivo lugar no Telecentro de Arzúa a presentación oficial da programación 36ª edición.

Podedes ver e descargar a programación 2011 e todos os horarios en www.festadoqueixo.org. O dossier coa información completo atoparédelo no apartado de "prensa".

De esquerda a dereita: André Arzúa, pregoeiro 2011; Xosé Luís García, concelleiro de Cultura do concello de Arzúa; Xaquín García, alcalde-presidente do Concello de Arzúa; Xosé Luís Carrera, presidente do C.R.D.O.P. Arzúa-Ulloa e José Ramón Bermúdez,  responsable do Concurso Queixo Maquetón -Radio Arzúa-.

No acto interviron  Xaquín García, Alcalde do Concello de Arzúa; Xosé Luís García, Concelleiro de Cultura, Mocidade, Educación e Normalización Lingüística do Concello de Arzúa e Presidente da Asociación para a Promoción da Festa do Queixo; Xosé Luís Carrera, Presidente do Consello Regulador da Denominación de Orixe Protexida Arzúa-Ulloa; José Ramón Bernárdez, responsable do Concurso “Queixo Maquetón” e André Arzúa, restaurador e pregoeiro desta edición 2011.

Presentación da 36ª Festa do Queixo (3 de marzo de 2011, Telecentro de Arzúa)

Ao despedírmonos agasallouse con queixo da nosa Denominación de Orixe Protexida ás empresas colaboradoras e aos numerosos xornalistas asistentes.

O queixo da D.O.P. Arzúa-Ulloa leva unha etiqueta comercial na que figura a mención da Denominación de Orixe Protexida, cunha contra-etiqueta numerada expedida e controlada polo Consello Regulador. Desde 1989 este queixo, elaborado a partir de leite de natural e enteira de vaca, recibe a denominación de Produto Galego de Calidade.

Arzúa adopta nestes días un valor engadido desde a perspectiva cultural, económica, formativa e de lecer, a través dunha intensa programación de actividades. Ademais dos expositores, o recinto feiral Terra do Queixo acolle diferentes actos relacionados coa cultura, converténdose nun espazo de intercambio que nos achega ao mundo do queixo. No posto da Organización (centro do recinto) haberá información ao visitante e tamén artigos á venda.

A vila é unha espiral, un confluír de xente diversa, un vieiro de acontecementos, a unión do pasado co futuro e un lugar onde cabe o multidisciplinar: tradición, innovación, gastronomía, música, cultura.  Un lugar aberto a tod@s e pensado para tod@s.

A festa é de tod@s e considérate pois na túa casa, así que goza dela respectándoa, e respectando tamén a contorna e aos demais. Se aínda non tiveches a oportunidade, dá unha volta pausada polos arredores de Arzúa, verás a beleza da nosa, da túa, terra. Os aseos públicos do recinto feiral permanecen abertos desde a mañá ata o remate do último dos concertos. Contan con servizo de limpeza e mantemento regular, mais os usuarios somos os que debemos preservar o seu coidado. Hai papeleiras e contedores de lixo no interior e no exterior do recinto feiral, desfaite do lixo nos lugares axeitados. Preserva o coidado de todas as zonas, prazas, rúas, xardíns...

Convidámosvos a gozar do noso 36º aniversario!

+ info no web da festa
 

O xoves 3 de marzo, presentación da 36ª edición

O xoves 3 de marzo, presentación oficial da Festa do Queixo 2011 no Telecentro de Arzúa (12.30h)
 
No dito acto darase a coñecer aos medios de comunicación a programación ao completo desta 36ª edición. A presentación, que terá lugar no Telecentro de Arzúa ás 12.30h (Avda. de Lugo s/n) é de libre acceso para o público que o desexe (ata encher aforo, no seu caso). O programa íntegro poderase consultar e tamén descargar en www.festadoqueixo.org.  

Abaixo podedes ver un vídeo resumo da edición 2010 (Correo TV) 

VER VIDEO EDICIÓN 2010

Festa do Queixo 2010 -correo TV-

Para quen non coñeza Arzúa ou desexe coñecela un pouco máis, recomendamos o vídeo producido polo aula de teatro Ánxel Casal.
 

VER VÍDEO PARTE 1

Vídeo "Pensa en Arzúa, pensa en ti" -parte 1-

VER VÍDEO PARTE 2

Vídeo "Pensa en Arzúa, pensa en ti" -parte 2-

Entrevistas realizadas na Capela da Madanela de Arzúa, e ao fondo parte das pezas presentadas ao concurso de carteis 2011 -coordinación audiovisual de Iris Producións-.

ZAPATOTIPOBOTA (Euskadi), MUNICH (Vigo) e LE CÛL (Chantada) finalistas da 3ª edición do QUEIXO MAQUETÓN

O concurso de maquetas establece un novo récord con máis de 50 proxectos presentados.

Un total de 54 propostas con representación da maioría das comunidades autónomas españolas foron recibidas ao longo dos tres meses que a Organización determinou como prazo para inscribirse no concurso. Esta cifra supón un novo récord de participación, superando amplamente as 31 propostas da segunda edición (2010) e os 22 traballos recibidos na primeira (2009). O sábado 12 de marzo os galegos Munich e Le Cûl e os Vascos Zapatotipobota serán os finalistas do Queixo Maquetón  (Praza de Galiza, 18h).

PREMIOS: o concurso conta cunha dotación económica de 600 euros ao gañador, 200 euros para o segundo clasificado e 100 euros para o terceiro, ademais de 400 euros a cada grupo en concepto de desprazamento e estancia en Arzúa. 

Desde Euskadi chegan Zapatotipobota, un proxecto formado por Vallejo, Javi, María e Leta batería de El Inquilino Comunista e We Are Standard e que eles mesmos denominan indietronic con guitarras rockeiras ao estilo Ira Kaplan ou J. Mascis e voz rasgada. Foron finalistas do XXII Villa de Bilbao e andan preparando o seu primeiro traballo. 

ZAPATOTIPOBOTA www.myspace.com/zapatotipobota

Zapatotipobota -Euskadi-

A representación galega é dobre e chega como nas dúas edicións anteriores desde Vigo e este ano desde o concello lugués de Chantada.
 
No caso de Vigo serán Munich os que opten ao premio de 600 euros. Xurdidos a comezos de 2008, nacen coa idea de fundir o son dos ostenta máis escuros coas atmósferas actuais máis densas e profundas. Bases rítmicas presentes, guitarras afiladas e sintetizador. En xaneiro de 2009 ve a luz a súa primeira demo “Confusion, Lights & Sounds” que os levou a ser finalistas dos Levi´s Unfamous Music Awards, Demonova 09 e Maketón Estrella Galicia. En 2011 sacarán o seu primeiro longa duración.

MUNICH http://www.myspace.com/munichsound

Munich -Vigo-

Desde Chantada Le Cûl estará tamén na final o día 12 de marzo. Singulares, frescos e divertidos. Guitarras, sintetizadores e futurismo. Unha das moitas bandas que forman parte do que se deu en chamar “GALICIAN BIZARRE” un movemento musical que cada día está a cobrar maior protagonismo coas súas propostas alonxadas dos convencionalismos e que seguramente dará ben que falar nos vindeiros anos.

LE CÛL www.myspace.com/leculbanda
 

Le Cûl -Chantada (Lugo)-

Visita o Myspace dos 54 grupos desde  www.myspace.com/proxectoqueixomaqueton/blog

O restaurador ANDRÉ ARZÚA, un dos novos referentes da alta cociña galega, ao fronte do “Comando Chef”-TVG-, será o PREGOEIRO da 36ª Festa do Queixo

O lider do Comando Chef utilizará a  nova cociña do Recinto Feiral que se estrea este ano para sorprender aos todos participantes, sobre todo aos máis novos, que poderán intervir nun obradoiro especial de receitas de queixo dirixido por André.

André Arzúa cociñando en "Comando Chef"

O pregón terá lugar, xunto cos actos oficiais de inauguración, o sábado 12 de marzo a partires dás 13h no Recinto Feiral.

Graduado como técnico en Hostalería en Santiago de Compostela, André Arzúa levou a cabo a súa actividade en diferentes establecementos. Coa bagaxe reunida ata entón, unida a un traballo de investigación serio e esixente, tense convertido nun dos chefs de referencia da alta cociña galega do século XXI.

André tén editado xa un libro ben interesante, "Cociña”, no que se recollen máis de trescentas receitas e lidera ademais o equipo do programa Comando Chef da TVG, que cada semana se presenta sen previo aviso na casa dun galego coa intención de preparar unha cea para compartir con un personaxe famoso. Dispoñen de 60 minutos e unicamente se pode cociñar co que haxa na neveira nese momento. Para isto, cóntase coa súa experiencia como chef e co seu equipo, a mâitre, Aurora Asorey, e o comandante do "comando", Rafa Durán. 

En 2004, asumiu os riscos de poñer en pé o seu propio proxecto en A Fábrica de Vilanova de Allariz, unha antiga curtidoría convertida hoxe nun fermoso restaurante no que se respiran o ambiente e os recordos da vella maquinaria. Nel combina produtos galegos e da gastronomía peninsular cun receitario internacional e ofrece unha coidada carta, con moitas e interesantes propostas de produtos diversos e elaboracións contemporáneas, nos que se deixa ver a súa visión internacional e a súa permanente curiosidade.

A súa maxia está en conseguir creacións únicas sen esquecer as raíces culinarias da súa terra. O produto de calidade e o amor polos bos froitos da terra son a base a partir da que reinventa as receitas clásicas para convertelas en sorprendentes mesturas culinarias.

O pregoeiro coñece ben a identidade e o valor do queixo de Arzúa e sabe da súa importancia como ingrediente fundamental da cociña do noso país. Condimentado coa súa sensibilidade pola terra, a natureza e, sobre todo, a súa imaxinación, seguro que elabora un exquisito pregón para exaltar o noso manxar.

imaxe da nova cociña do Recinto Feiral Terra do Queixo

DELINQÜENTES con TOMASITO, RIOBÓ e o DJ CHEMA REY COMPLETAN O FESTIVAL DO QUEIXO XUNTO A TOTE KING e SUSANA SEIVANE

A programación musical do Festival do Queixo complétase coas actuacións de Delinqüentes e Tomasito, os galegos Riobó, a sesión DJ e a conferencia interactiva do lendario locutor de Radio 3, Chema Rey. Ademais, a forza dos novos talentos coa 3ª edición do "Queixo Maquetón" .

O SÁBADO 12 DE MARZO chega xa pola tarde con toda a forza a 3ª edición do "Queixo Maquetón" .Os novos talentos terán a oportunidade de amosar o seu mellor directo na praza de Galiza. A actuación dos tres grupos finalistas que abre o festival e comezará ás 18 h.
Ás 21.30 h Tote King no campo da feira presentarános  o seu novo disco, “El Lado Oscuro de Gandhi”. A primeira noite de festa continuará co concerto de Delinqüentes e Tomasito, ás 23 h.

Ás 00.30 h terá lugar a actuación do grupo gañador, do Queixo Maquetón, un do concerto máis que agardado polo público.
Ao remate da xornada chegará a agardada sesión DJ de Chema Rey; o mestre que guiou a tantos afeccionados desde os micrófonos de El Bulevar de Radio 3, ofreceranos a súa sesión cos pratos a partir da 01.30h da madrugada.
 

O DOMINGO 13 DE MARZO, a programación musical comeza xa no recinto feiral ás 13 h coa conferencia audiovisual de Chema Rey, o emblemático locutor achéganos á historia do rock a través de imaxe e son nunha sesión bailable de 90 minutos.
Pola tarde, poderemos gozar desde as 18 h coa actuación do quinteto acústico galego Riobó. Por último, unha das nosas gaiteiras de máis sona internacional, Susana Seivane, pechará a programación da 36ª edición da Festa do Queixo coa súa actuación ás 19.30h. 

cartel programación musical Festival do Queixo 2011

PROGRAMACIÓN FESTIVAL DO QUEIXO

SÁBADO 12 MARZO

Queixo Maquetón -final- |18.00 h | 
|praza de Galiza|

Actuación dos 3 grupos finalistas. Ao longo da súa curta traxectoria o Queixo Maquetón logrou situarse como un dos concursos de máis prestixio do panorama estatal. Logo do éxito, séguese apostando polas novas bandas e os novos talentos, ofrecéndolles a oportunidade de amosar a súa música en Arzúa.

O prazo de presentación de maquetas remata o 15 de febreiro e Radio Arzúa xa recibiu máis de 20 traballos de altísima calidade chegados das catro provincias galegas e doutros puntos d como Madrid, Andalucía ou Asturias. Ademais, nesta edición amplíanse os premios, que ascenden a 600, 300 e 100 euros para o gañador, o 2º finalista e o 3º finalista respectivamente.

myspace do Queixo Maquetón

 

TOTE KING | 21.30 h |
| campo da feira |

Tote dá unha puñada na mesa coas letras e ritmos máis ambiciosos da súa carreira: volve o MC en maiúsculas. O rapeiro andaluz presentará en Arzúa “El Lado Oscuro de Gandhi”, o seu cuarto disco en solitario que saíu a venda neste outubro de 2010. É un disco cheo de bo humor, letras afiadas e un estilo insuperable que poderemos degustar na Festa do Queixo. Temas como “Redes Sociales” teñen causado revolución nos medios, especialmente dixitais pola súa crítica ácida e particular humor tratando o uso excesivo que a mocidade fai destas redes. O tema foi éxito total con máis de 200.000 visitas de youtube na súa primeira semana, sendo nº 1 e vídeo máis visto en Myspace.

A súa historia é a dun talento sen límite. Poucos rappers españois teñen logrado manterse no cume de forma sostida durante case dez anos sen acusar o cansazo e, o máis importante, mantendo o seu status intacto. Tamén é a historia dun espírito inquebrantable: a súa mordacidade non só non descendeu desde os seus primeiros pasos no rodo do hip-hop español, senón que tén trazado una liña ascendente a medida que ten pasado o tempo e a tarxeta foi enriquecéndose. As rimas téñense afiado ata o extremo; as ideas son cada vez máis claras; as críticas, máis incómodas; o compromiso, máis incondicional; o humor, máis humor...
www.toterreno.com

ver o video de "redes sociales"

DELICUENTES&Tomasito | 23.00h |
| campo da feira |

Traen da casa pouca equipaxe: as guitarras de pau, un caixón, as palmas das mans, e un baixo eléctrico cuxo cable que colga pola xanela é o único que está enchufado. Método natural. Os Delinqüentes e Tomasito ispen cancións propias e alleas case sempre por rumbas, tangos e bulerías.Con todo o resultado sonoro dános cambras. O segredo é o soniquete. Despois de 12 anos de evolución do son garrapatero, para os Delinqüentes é volver ás orixes do grupo, ao o seu lado máis rústico, ao máis salvaxe, o máis auténtico.

Nomean habitualmente as súas gravacións con longos títulos, como Los hombres de las praderas y sus bordones calientes. A orixe desta denominación recóllenno dun escrito a finais dos 60 dos Smash, pioneiros da unión do rock co flamenco baixo a etiqueta de rock progresivo e xefes do ambiente underground sevillano nos primeiros anos 70. Identifícanse, recoñecen e admiran a Bob Dylan, Tío Gregorio O Borrico, Zappa, O Migue, O Sopapo, Bernarda e Fernanda de Utrera, Mick Jagger,Rafael e Raimundo Amador ou Jimmy Hendrix. 

www.delinquentes.es 
ver o video "la cacerola"
ver o video "camino del hoyo" 

Sesión DJ CHEMA REY | 01.30 h |
| praza de Galiza |

Un dos mestres musicais, que guiou a tantos afeccionados desde os micrófonos de Radio 3 e que agora o fai ao vivo. Logo do seu significativo paso polo mítico programa radiofónico, sitúase ao outro lado da mesa de mesturas presentando nos máis relevantes festivais o seu bo facer como Dj . O emblemático locutor ofrece agora inesquecibles sesións musicais onde nos fai vibrar o esqueleto, suar e queimar os pés coa mellor música posible.
myspace de Chema Rey

DOMINGO 13 MARZO

Conferencia Audiovisual Chema Rey |13.00 h |
| recinto feiral, 1º andar |

Conferencia-Sesión-Audiovisual para profanos, menores de secundaria e todos os públicos.

"A Historia do Rock. De Elvis a Vetusta Morla (6 Décadas de Música Pop)"

 

A historia do rock a través dunha conferencia interactiva ou sesión musical, ambas xuntas nunha experiencia altamente gratificante. A sesión ilustrada reflicte a evolución dos sons, xéneros e actitudes da música desde a irrupción  do Rock&Roll, nos 50 do s.XX, aos conceptos hedonistas da electrónica da última década ou a eclosión do indie como universo alternativo na dixital. A través de 45 cancións, a mostra percorre todos os frontes musicais.enfocando especialmente a socioloxía soterrada en cada período da música.

Imaxes de arquivo, directos e clips recompilados e animados sen esconder o seu rigor cultural baixo un tratamento especialmente divulgativo e divertido.Todo a través dunha interacción e comentarios con reveladoras montaxes visuais de época, artistas, mini-reportaxes sincrónicas instructivas e curiosas.

RIOBÓ | 18.00 h |
| praza de Galiza |

Quinteto acústico formado en 2008 por músicos cunha sólida traxectoria desenvolvida en diversos proxectos e formacións. O fin deste novo proxecto é a música en directo, sendo fieis á orixe da música tradicional galega, que é a de servir ao baile; para este labor céntrase na interpretación de melodías tradicionais galegas, xa ben recollidas nos cancioneiros ou a propias do repertorio dos cuartetos de gaitas e gaiteiros solistas. Recrean un modo clásico de facer música folc, priorizando no seu son o carácter interpretativo e harmónico, fusionando o estilo dos vellos gaiteiros co carácter dos primeiros grupos folc europeos.

O grupo compóñeno Begoña Riobó (violín), de cuxo apelido recolle o seu nome, Fernando Barroso (Guitarra), Marcos Campos (gaita, acordeón e frautas), Xosé Liz (bouzouki), Fernando Pérez (Frautas e requinta) ao que suman a experiencia de múltiples traballos discográficos con outras agrupacións e actuacións nos escenarios máis importantes do mundo.

myspace de Riobó

SUSANA SEIVANE | 19.30h |
| praza de Galiza |

Os soños de Susana sempre tiveron, e seguen a ter, a música da súa terra como fondo. Melodías e cantares que marcaron a súa vida e o seu medrar musical. “Os soños que volven” é unha mirada atrás sobre as pegadas que a música galega foi deixando na súa alma. Pezas ás que rende homenaxe desde a perspectiva dunha longa experiencia avalada pola forza dos seus directos dos últimos anos.As melodías, que debuxan os ecos da súa infancia, xorden con toda a enxebreza da súa voz e da súa gaita, agarimadas por arranxos divertidos, modernos e atrevidos, froito da produción musical da propia Susana e da súa banda.

www.susanaseivane.net

ver o video "os soños que volven"

ver o video "muiñeira de chantada"

“TRADICIÓN E MODERNIDADE”, SERÁ A IMAXE DA 36ª FESTA DO QUEIXO

Hoxe tivo lugar en Arzúa  a elección dos gañadores do CONCURSO DE CARTEIS da 36 Festa do Queixo.  O 1º premio foi para a peza  titulada “Tradición e modernidade” obra de Xabier Quinteiro, deseñador gráfico arzúan residente en Madrid. 

Peza nº 59: "Tradición e modernidade"

O xurado valorou a creatividade, sinxeleza e orixinalidade deste cartel que, tal como indica claramente o seu título, combina tradición e modernidade nunha composición de gran impacto visual coa que se consegue un deseño ben compensado, equilibrando as cores, formas e texturas para dar lugar a unha composición frugal. O autor utiliza unha imaxe de perfecta simetría, na que, sen perder de vista o pasado e coa ollada posta no futuro,  sitúa ao queixo reclamando a atención como elemento central que permanece ao longo do tempo.

Todas as pezas están expostas na Capela da Madanela de Arzúa, onde os visitantes poden apreciar a creatividade dos participantes desta edición do concurso. Desde a Organización desexamos reiterar o seu agradecemento a todos os participantes, así como a todas as empresas e persoas relacionadas co evento. Este ano batéronse todas as expectativas coa extensa participación rexistrada de 106 propostas, o que establece por segundo ano consecutivo o récord histórico do evento e supuxo triplicar a media de todas as edicións anteriores. GRAZAS A TOD@S.

 

RESULTADOS FINAIS E GAÑADORES

1º premio: 900 EUROS + fin semana turismo rural 2 pax.+ lote produtos “Festa do Queixo” + queixo XL C.R.D.O.P. Arzúa-Ulloa.

PEZA Nº: 59. Título Obra: “Tradición e modernidade”

Autor: Xabier Quinteiro Vázquez

Idade/Profesión: 34 anos/ Deseñador gráfico

Procedencia: Castañeda-Arzúa. Residente en Madrid

2º premio: 300 EUROS + xantar turismo rural 2 pax.+ lote produtos “Festa do Queixo” +queixo XL C.R.D.O.P. Arzúa-Ulloa.

PEZA Nº: 106

Título Obra: “Vendendo queixo na feira baixo o paraugas”

Autor: Hipólito Xeada Pena

Idade/Profesión: 55 anos/Pintor e escultor

Procedencia: Alfoz-Lugo

3º premio: 100 EUROS + lote produtos “Festa do Queixo” + queixo XL C.R.D.O.P. Arzúa-Ulloa.

PEZA Nº: 6. Título Obra: “Sagutxo”

Autor: Ruth Marañón Martínez de la Puente

Idade/Profesión: 22 anos/Estudante

Procedencia: Onion-Álava

4º premio: AGASALLO ESPECIAL”FESTA DO QUEIXO” + lote produtos “Festa do Queixo” + queixo XL C.R.D.O..P Arzúa-Ulloa

Elixido en votación popular o pasado 10 de xaneiro.

Título Obra: “Medusa”

Autor: Patricia Trepat Silva

Idade/Profesión: 50 anos/Docente

Procedencia: Palma de Mallorca

 

Parte do xurado visitando a exposición, realizando anotamentos das diferentes pezas e na deliberación.

GAÑADOR 4º PREMIO NO CONCURSO CARTEIS

“Medusa”, gañadora do premio por votación popular.

A proposta  “Medusa” resultou a gañadora do 4º premio do Concurso de Carteis da Festa do Queixo, elixido por votación popular o domingo 9 de xaneiro entre as máis de cen pezas presentadas. Os datos do/a autor/a permanecen en sobre pechado para poder optar tamén ao 1º, 2º ou 3º premio na votación final do xurado. O venres 14 coñeceremos a imaxe que anunciará a Festa do Queixo 2011.

RÉCORD DE CARTEIS PARA ANUNCIAR A 36ª FESTA DO QUEIXO

AGRADECÉMOSVOS extensa participación rexistrada, con 106 propostas recibidas!.  

Este número establece por segundo ano consecutivo o récord histórico da festa, ao superar con amplitude a edición 2010, na que se recibiran 43 pezas, e supón triplicar a media das edicións anteriores. As diferentes pezas chegan desde diferentes orixes, desede as catro provincias galegas, o País Vasco, Badaxoz, Córdoba, Málaga, etc., realizadas en diferentes técnicas (dixitais, óleos, collages) por persoas de todas as idades. 

Aledámonos da motivación xerada estimulada coas novidades nos premios de 2011 e co aumento da dotación económica, posible as grazas á colaboración entre o concello e o tecido empresarial relacionado co evento, con especial co arzuán. É por iso que, xunto co 1º premio de 900 euros ofrécese unha fin de semana de turismo rural, un xantar, queixos da “talla XL”, lotes de produtos, etc. 

Todas as pezas están expostas na Capela da Madanela de Arzúa, onde se celebrará o luns 10 a elección por votación popular e o venres 14 ás 14.00 h a votación do xurado que elixirá ao gañador. 

Desde a Organización desexamos reiterar o noso agradecemento a todos os participantes, así como a todas as empresas e persoas relacionadas co evento.

+info no web da festa

ADIANTO DA PROGRAMACIÓN MUSICAL DO "FESTIVAL DO QUEIXO"

Xa temos as primeiras confirmacións da programación musical na Festa do Queixo 2011!. Nesta 36ª edición, gozaremos no Festival do Queixo dos concertos de Tote King -sábado 12- e de Susana Seivane -domingo 13-.

O rapeiro andaluz estará connosco abrindo a primeira noite do festival e presentarános en Arzúa o seu último disco "El Lado Oscuro de Gandhi" desde o escenario do Campo da Feira o sábado 12 de marzo, ás 21.30h.

Pola súa banda, a gaiteira orixinaria de Cambre -nacida en Barcelona- Susana Seivane, xunto coa súa banda, pecharán o festival e a 36ª edición desde o escenario da Praza de Galiza, o domingo 13 ás 19.30h.

Como novidade, nesta edición adiántanse un chisco os horarios dos concertos na xornada do domingo para que todo o público poida gozalos xa desde primeiras horas da tarde.

+ INFO:

TOTE KING, sábado 12

www.toterreno.com - mysapace.com/toteking

ver o video de Tote King "redes sociales"

SUSANA SEIVANE,domingo 13

www.susanaseivane.net

ver o video interpretación do himno galego, Susana Seivane