ARRANCA O CONCURSO QUEIXO MAQUETÓN

Hoxe abre o prazo a 5ª edición do Concurso de maquetas QUEIXO MAQUETÓN. O prazo remata ata o 15 de febreiro de 2013 ás 15h.

O Queixo Maquetón leva 4 anos batendo marcas. Despois do éxito do pasado ano, no que se recibiron case 200 propostas chegadas desde practicamente todas as comunidades españolas, esta nova edición busca por outra banda a consolidación do concurso dentro do panorama estatal e un novo gañador que relevará no palmarés aos madrileños Berlina.

BASES: podedes ver as BASES PARA PARTICIPAR no Myspace do concurso, así como tamén escoitar a todos os grupos.  No Youtube da festa o vídeo-resumo do o concerto de Berlina

PREMIOS: o gañador terá o privilexio de actuar en Arzúa formando parte do Festival do Queixo. Gozaremos do seu directo o sábado 2 de marzo (arredor da 01:00 na Praza de Galiza). Ademais, levarase como premio en efectivo 1.400 euros (1.000 euros en concepto do concerto que ofrecerán en Arzúa e 400 e euros para gastos de desprazamento e estancia.

Poderán formar parte todos aqueles grupos noveis ou solistas españois que non teñan ningún álbum publicado, coa excepción dos autoeditados ou que non teñan firmado ningún contrato discográfico. Ademais, só se admitirán traballos encadrados estilisticamente no pop-rock e as novas tendencias, como vén sendo habitual desde o comezo do concurso.

XA TEMOS GAÑADOR DO QUEIXO MAQUETÓN!

Os madrileños 'Berlina' gañan 4ª edición do concurso Queixo Maquetón
Actuarán no Festival do Queixo 2012. Case 200 grupos presentados, marca histórica de participación!

O concurso de novas bandas bate este ano todas as marcas de participación, ao inscribirse 196 bandas chegadas de todas as comunidades autónomas españolas (só fóra de Ceuta e Melilla). Esta cifra case cuadriplica as recibidas na edición 2011, que xa fora ata entón a de maior participación (54 grupos). O gañador leva de premio 1000 euros, máis 400 euros en concepto de desprazamento e estancia en Arzúa, ademais de formar parte do cartel da 37ª Festa do Queixo!!!. Gozaremos do seu directo na madrugada do sábado 3 de marzo á (01:00 am. escenario praza de Galiza).

Berlina -Madrid-

Berlina (Madrid), é unha banda de indie rock shoegaze formada en 2008 e que ten na actualidade dous Lp´s autoproducidos ‘Anverso’ (2009) e ‘Parcialmente Despejado’ (2012). Entre os seus logros está ser seleccionados para o prestixioso festival Lemon Pop en 2008, semifinalistas do Demonova 2009 ou un segundo posto no Festival de Música Joven ‘Ciudad de Ávila’. Texturas ambientais e psicodelia, como base do seu son, Berlina aposta agora polo castelán en letras cun trasfondo máis elaborado. Sen esquecer o pop delicado que caracterizou á banda, aparecen agora cun son máis sucio nas guitarras e liñas máis potentes de batería que lles fai soar máis potentes nos seus directos!

Podedes escoitalos (e velos) en:
http://berlina.bandcamp.com/album/parcialmente-despejado
http://www.myspace.com/berlinarock

O xurado estivo formado por estes recoñecidos profesionais relacionados co mundo da música: Josiño Carballo (Ernie Producciones), Alberto Alfonso (Art Music Agency), Salvador García (Radio Vigo), Arturo Vaquero (resp.  Estudos Abrigueiro), Roberto Nicieza (Pop Up Música) e o propio responsable do concurso, Jose Ramón Bernárdez (Radio Arzúa). Xuntos determinaron que os madrileños fosen os gañadores desta 4ª edición. Unha difícil elección, este ano máis que nunca polo gran número de bandas!

85 GRUPOS INSCRITOS NO 4º CONCURSO 'QUEIXO MAQUETÓN'

Xa son 85 os grupos inscritos na 4ª edición do concurso de maquetas Queixo Maquetón. Todos aspiran a amosar o seu talento o sábado 3 de marzo en Festa do Queixo! E falta case 1 mes para rematar o prazo de inscrición, ata o 15/02/12!

Que labor máis difícil a que lle agarda ao xurado desta edición! ;) O ano pasado xa foron 54 as maquetas recibidas, e foi unha labor gustosa, mais nada doada debido á gran calidade das propostas que se recibiron.

Logo de 4 edicións consecutivas crecendo, cousa da que ten moita 'culpa' José Ramón Bernárdez (Locutor de Radio Arzúa), só nos queda dicirvos novamente,

MOITAS GRAZAS!!! 

Podes escoitar a todos os grupos no espazo do concurso en Myspace

RESUMO EN IMAXES: ZAPATOTIPOBOTA (EUSKADI) GAÑA O 3º CONCURSO QUEIXO MAQUETÓN

O grupo vasco Zapatotipobota foi o gañador do concurso de maquetas Queixo Maquetón 2011, o 2º posto foi para os vigueses Munich e o 3º para Le Cul (Chantada). 

Zapatotipobota (Euskadi), gañador do 3º Queixo Maquetón

A final tivo lugar na tarde do sábado 12 coas actuacións das tres bandas finalistas Munich, Le Cûl e Zapatotipobota, de Vigo, Chantada e Euskadi, respectivamente.  Os Zapototipobota subiron de novo ao escenario ás 00.30h como gañadores da 3ª edición para ofrecer o seu mellor directo nun dos concertos máis agardados.

O concurso contou cun xurado de luxo composto por Roberto Nicieza (Pop Up Música), Chema Rey (Radio 3), Salvador García (Radio Vigo - Maketón Estrella Galicia), Josiño Carballo (Ernie Producciones) e José Ramón Bernárdez (Queixo Maquetón); non o tiveron doado debido a alta calidade dos traballos presentados.

 Munich (Vigo), 2º clasificado

Este ano bateuse un novo récord cun total de 54 maquetas recibidas nas que están representadas a maioría das comunidades autónomas. O Queixo Maquetón medra cada ano, en tan só tres edicións logrou situarse como un dos concursos de máis prestixio do panorama estatal.

 Le Cûl (Chantada), 3º clasificado

O Myspace do Concurso Queixo Maquetón recibiu máis de 2.500 visitas durante os tres meses que estivo aberta a convocatoria, un aumento significativo de participación que anima a seguir apostando polas novas bandas e os novos talentos, ofrecéndolles a oportunidade de amosar en Arzúa a súa música.

ZAPATOTIPOBOTA (Euskadi), MUNICH (Vigo) e LE CÛL (Chantada) finalistas da 3ª edición do QUEIXO MAQUETÓN

O concurso de maquetas establece un novo récord con máis de 50 proxectos presentados.

Un total de 54 propostas con representación da maioría das comunidades autónomas españolas foron recibidas ao longo dos tres meses que a Organización determinou como prazo para inscribirse no concurso. Esta cifra supón un novo récord de participación, superando amplamente as 31 propostas da segunda edición (2010) e os 22 traballos recibidos na primeira (2009). O sábado 12 de marzo os galegos Munich e Le Cûl e os Vascos Zapatotipobota serán os finalistas do Queixo Maquetón  (Praza de Galiza, 18h).

PREMIOS: o concurso conta cunha dotación económica de 600 euros ao gañador, 200 euros para o segundo clasificado e 100 euros para o terceiro, ademais de 400 euros a cada grupo en concepto de desprazamento e estancia en Arzúa. 

Desde Euskadi chegan Zapatotipobota, un proxecto formado por Vallejo, Javi, María e Leta batería de El Inquilino Comunista e We Are Standard e que eles mesmos denominan indietronic con guitarras rockeiras ao estilo Ira Kaplan ou J. Mascis e voz rasgada. Foron finalistas do XXII Villa de Bilbao e andan preparando o seu primeiro traballo. 

ZAPATOTIPOBOTA www.myspace.com/zapatotipobota

Zapatotipobota -Euskadi-

A representación galega é dobre e chega como nas dúas edicións anteriores desde Vigo e este ano desde o concello lugués de Chantada.
 
No caso de Vigo serán Munich os que opten ao premio de 600 euros. Xurdidos a comezos de 2008, nacen coa idea de fundir o son dos ostenta máis escuros coas atmósferas actuais máis densas e profundas. Bases rítmicas presentes, guitarras afiladas e sintetizador. En xaneiro de 2009 ve a luz a súa primeira demo “Confusion, Lights & Sounds” que os levou a ser finalistas dos Levi´s Unfamous Music Awards, Demonova 09 e Maketón Estrella Galicia. En 2011 sacarán o seu primeiro longa duración.

MUNICH http://www.myspace.com/munichsound

Munich -Vigo-

Desde Chantada Le Cûl estará tamén na final o día 12 de marzo. Singulares, frescos e divertidos. Guitarras, sintetizadores e futurismo. Unha das moitas bandas que forman parte do que se deu en chamar “GALICIAN BIZARRE” un movemento musical que cada día está a cobrar maior protagonismo coas súas propostas alonxadas dos convencionalismos e que seguramente dará ben que falar nos vindeiros anos.

LE CÛL www.myspace.com/leculbanda
 

Le Cûl -Chantada (Lugo)-

Visita o Myspace dos 54 grupos desde  www.myspace.com/proxectoqueixomaqueton/blog